मैं ना लड़ी ओ बाई मैं ना लड़ी आश्विन जी यदुवंशी

नागलवाड़ी म झंडो तुन गाड़ी दियो रे 
बाबा भिलट को नाम - जग म गाजी रयो रे 

सतपुड़ा की वादी म, भ्रमण कर नागराज ।
अटल राज महाराज का - की शोभा देखो आज ।। 
नागलवाड़ी गांव है - बसे सतपुड़ा का पास । 
दिन दुखीया जो भी जावे - पुरण कर सब आस ।। 
बांझन घर झोळे बंधी - जिन सुख की नवाड़ी डाळ । 
किन्नर न भी आस लगै तो - पेट फाड़ी दियों लाल ।। 




नागलवाड़ी म झंडो तुन गाड़ी दियो रे 
बाबा भिलट को नाम - जग म गाजी रयो रे ।। नागळवाड़ी म झंडो।। 

वासुकी को अवतार कवायो - राणा जो वंश म जनम है पायो 
राणा रेलण का घर म कसो राजी हुयो रे ।। बाबा भिलट ।। 

पुर्वी निमाड़ म गांव रोळगांव - मंदीर बणेल छे नदी की धांव 
माय मैदा झुलाव झुलो बांधी दियो रे ।। बाबा भिलट ।। 



सारा निमाड़ म नाव तुम्हारो - जो सुमर होय वारो निवारो 
हो... नागलवाड़ी म साज कसो साजी रयो रे ।। बाबा भिलट ।। 

उच्च शिखर पर धाम तुम्हारो - घोड़ा सवारी कर लग बड़ो प्यारो 
हो... थारा नाव को डंको कसो बाजी रयो रे ।। बाबा भिलट ।।